Anton Sveinn McKee synti í morgun 200m bringusund á TYR PRO mótaröðinni í Westmont í Bandaríkjunum.  Anton gerði sér lítið fyrir og varð fyrstur inn í úrslita sundið sem fram fór nú í kvöld. Anton synti í morgun á tímanum 2:15.91.  

Anton synti mjög vel í kvöld (nótt isl tíma)  hann varð þriðji í sundinu á tímanum 2:12.68. Þess má geta að íslandsmetið er 2:10.21. 

Þetta er virkilega góður árangur og mjög gott mót hjá Antoni sem er að synda á sínu fyrsta móti síðan í nóvember. 

Anton er núna búinn að tryggja sig á HM50 í Búdapest í júní og á EM50 í Róm í ágúst í 100m og 200m bringusundi.